WENGI IKI DONYAKU KASIRAM BANYU

WENGI IKI DONYAKU KASIRAM BANYU

Wengi iki donyaku kasiram banyu

Donyaku kang wus suwe ngantu- antu

Donyaku kang wus ngelak

Donyaku kang butuh tumetese banyu udan

Udan wengi iki,

Anggegawa berkah kang linuwih

Tanduran katon seger- seger

Lemah- lemah bengkah bisa bali katutup

Kali- kali kang wus asat bisa bali agung nganti amber

Gusti,

Amung  rasa syukur kang bisa kaucap

Marang rahmat ingkang sampun kaparingaken

Dhateng donya menika

Donya ingkang betahaken welas asih- Mu