Beralaih ke zaman sebelum adanya Mahabarata bahkann ramayana, disebutkan alah zaman lokapala, dimana sang wisnu masih berada dalam tubuh Arjuna Sasra Bahu. bukan dirinya yang akan disorot kali ini elainkan dari pihak yang akan jadi lawannya. yaitu rahwana.
cerita yang akan dibahas kelahiran rahwana.
Alap- Alap Sukesi
Para dhalang
akeh sing nyebut lakon iki yaiku Sastrajendra. Lakon Alap – Alap Sukesi iki
nyritakake Prabu Sumali kang ngumumake sayembara kanggo nggolek jodho kanggo
anake kang jenenge Dewi Sukesi. Prabu Sumali nduweni adhi jenenge Jambumangli
sing awujud raksesa. Sapa wae sing bisa kasil ngalahake adhine kuwi lan bisa
njabarake elmu Sastra Jendra Pangruwating Diyu, mengko bakal dijodhohake karo
anake yaiku Dewi Sukesi.
Ing Kerajaan Lokapala, Prabu
Danapati nduweni pepenginan ndadekake Dewi Sukesi dadi garwane. Banjur bapane
Prabu Danupati uga kersa nglamarake Dewi Sukesi kanggo anake. Amarga iku
panjaluke anak semata wayang, mulane Begawan Wisrawa njanjeni langsung tumuju
menyang Ngalengka kanggo melu sayembara. Nanging sadurunge nglamar Dewi Sukesi, Begawan Wisrawa kudu bisa ngalahake
Jambumangli. Kanthi kesaktiane Begawan
Wisrawa, mula Jambumangli kasil dikalahake dening Begawan Wisrawa kanthi
gampang. Banjur dheweke uga bisa nyaguhi syarat kaloro yaiku njabarake elmu
Sastra Jendra Hayuningrat Pangruwating Diyu. Elmu sing arep dijabarake kuwi
kalebu elmu rahasia, mulane Begawan Wisrawa lan Dewi Sukesi kudu ana ing
ruwangan katutup tanpa diweruhi sopa-sapa.
Pungkasane Begawan Wisrawa kasil
njabarake elmu Sastra Jendra Pangruwating Diyu marang Dewi Sukesi. Dewi Sukesi
uga langsung bisa ngerteni elmu kasebut lan gelem nampa lamarane Begawan
Wisrawa. Nanging Dewi Sukesi sedhih lan kuciwa, mergane Begawan Wisrawa teka
ing Ngalengka lan melu sayembara jebule mung kanggo nglamarake anake supaya
bisa dadi garwane Dewi Sukesi. Dewi
Sukesi ora gelem mblenjani janjine yaiku dheweke mung bakal bisa nampa pawongan
sing wis njabarake elmu Sastra Jendra Pangruwating Diyu, yaiku Begawan
Wisrawa. Dewi Sukesi ora gelem yen dijodhohake karo anake Begawan Wisrawa.
Dewi Sukesi kasil ngrayu Begawan Wisrawa.
Pungkasane atine Begawan Wisrawa bisa luluh lan mblenjani janjine marang anake
yaiku Prabu Danapati. Begawan Wisrawa jebul nikah karo calon mantune dhewe.
Banjur ing sawijining dina, Dewi Sukesi nglairake anak saka Begawan Wisrawa.
Sedhihe, sing dilairake dening Dewi Sukesi dudu awujud bayi manungsa. Sing
dilairake dening Dewi Sukesi arupa gumpalan dhaging kang wernane abang, ireng,
kuning lan putih. Banjur Begawan Wisrawa dedonga marang gusti supaya gumpalan
dhaging patang werna kasebut bisa owah dadi wujud samesthine. Banjur gumpalan
dhaging kang werna papat kuwi bisa owah. Gumpalan dhaging kapisan kang wernane
abang owah dadi bayi lanang kang nduweni untu taring cilik, banjur diwenehi
jeneng Rahwana. Gumpalan dhaging kaloro kang wernane ireng lan paling gedhe
owah dadi bayi lanang kang kupinge gedhe, banjur diwenehi jeneng Kumbakarna.
Gumpalan dhaging katelu kang wernane kuning owah dai bayi wadon kang rambute
gimbal lan jempol drijine kukune dawa banget, diwenehi jeneng Sarpa Kenaka.
Kang pungkasan yaiku sing gumpalan dhaging kapapat wernane putih owah dadi bayi
kang sing aktif gerak lan diwenehi jeneng Gunawan Kuntha Wibisana.
Sawijining
dina, pawarta ngenani neningkahane Begawan Wisrawa karo Dewi Sukesi wis
keprungu tekan Prabu Danapati ing Lokapala. Babagan kasebut njalari Prabu
Danapati nesu lan nduweni niyat mateni
bapane dhewe. Prabu Danapati wis nganggep yen bapane kuwi tega mblenjani
janjine lan nglanggar omongane dhewe. Nanging sawise ketemu bapane ing Alengka,
Prabu Danapati jebul ora sida mateni bapane. Begawan Wisrawa wis njaluk
pangapura marang anake lan ekhlas yen anake bakal ngukum bapane kanthi ukuman
mati. Nanging Prabu Danapati ora tega
nyawang bapane, banjur nyuwun pangapura marang bapane. Prabu Danapati rumangsa
luput wis nduweni niyatan mateni anake. Prabu Danapati pungkasan bisa ngrestoni
bapane neningkahan karo Dewi Sukesi.
Tufas diselelsakan olrh Ratna Damayanti
0 comments:
Post a Comment