Sejarah Bharada

Sejarah Bharada

Anut gothek, sanggar Bharadabiku madeg nalika kampus Pendidikan Bahasa dan Sastra Daerah isih manggon ing kampus Ketintang. Watara taun 1991. Nalika semana ora mung Bharada wae wadhah kanggo ajange kreativitas mahasiswa kang kepingin ngembangne bab seni teater tradisional mligine Kethoprak lan Ludrug, nanging uga ana saloka sawijining UKM ing Unesa. Banjur ing taun 1994, Sanggar Bharada luwih moncer pamore. Kepara Saloka saya surem prebawane. Miturut ujare Siswantoro kalebu alumnus Unesa pendidikan Basa Jawa nalika taun 1994, ngajak kanca-kanca kaya ta Sumono Sandi Asmoro, Puji Yohana, Supono lan liya-liyane nduweni tekad ngrembakakake Sanggar Bharada.

Madege Bharada ora kaya malike tangan nanging kebak pacoban klawan kebak sandhungan. Ki Yohan Susilo ya dosen karawitan ing jurusan Basa Jawa kang ngrasakake pait getire lelakon. Nalika semana dana kanggo pentas wae ora ana. Mula kanthi cara luru sponsor kang sabanjure dana diklumpukake kanggo pentas. Kanca saperjuangane Ki Yohan kaya ta Ki Kunto Wibisono, Ki Didik Wibisono lan antuk panyengkuyung saka Mas Yusuf utawa kang akrab sinebut Mas Ucup kang kerep ndokumentasekake adicara kang digelar Bharada. Sanadyan panjenengane dudu alumnus Basa Jawa nanging sengsem marang kagiatane Bharada.

Sakbanjure kang dadi tokoh Bharada yaiku Mas Josan utawa Joko Santoso, Mas Romy Handoyo Puspo, Mas Topan, Mas Gilang, lan liya-liyane. Ing taun 2006 Bharada ndedegake wadhah anyar yaiku Campursari. Wekasan bisa ngrembaka nganti dina iki kepara kerep tampil ing TVRI Jawa Timur. Sing dadi khase Campursari Sanggar Bharada yaiku saben pentas ing TVRI mesthi nganggo Fragmen. Tuladhane fragmen Sri Huning Mustika Tuban, Sarip Tambak Asa, Rara Jonggrang, Sri Tanjung, Warok Suramenggala, Babad Surabaya, Babad Tulungagung, Sunan Kalijaga, lan Sogol Pendhekar Sumur Gumuling.

Nalika taun 2012, Bharada gawe gebrakan anyar yaiku nganakake pagelaran Wayang Kulit kanthi lakon Dewa Ruci. Iki dina Bharada kena diarani mung kari methik undhuh-undhuhane. Kari awake dhewe saguh apa ora nerusake perjuangane mas-mase lan mbak-mbake awake dhewe.